نستعرض في الأبيات القليلة التالية ما يريده المصريون على اختلاف طوائفهم في الرئيس المنتظر
المرأة المصرية
عايزة رئيس يحفظْ كرامتها
و يصون حُرمتها و أَحوالها
ويشجعها وتبني بَلدْهَا
و تشارك في الخيرْ ما بدالها
و يغير ثقافتنا بحالها
و بلاش ( ما يجيبها إلا رجالها )
دا الاسلام أعطاها القدرة
حرة تدير أملاكها و مالها
بصراحة و من غيرْ تفكيرْ
دا المرسي أكِّدها و قالها
المرأة ليها دور مطلوبْ
للأمة فــْــ إِعداد أجيالها
واحد من النخبة
عايزين ريس مخه نضيف
يفهم كل مطالب الناس
و يوفر تعليم و رغيف
و العدل يكون عنده أساس
صحة تلاقي أمن تلاقي
و كرامة شعبي ما تنداس
ويحارب كل الفاسدين
ويشربهم مُرِّ الكاس
انظر حولك قلِّبْ عينك
هو الدكتور مرسي يا ناس
ابن البلد
عايزين واحد قلبه علينا
ومشاعره تكون حلوة و دافية
عمر ما عينه تغمض أبدًا
والناس بايتة جعانة و حافية
مــ الإخوان و صحيفته نضيفة
مشاريعه أكيد كاملة و وافية
هيزود خيرات أراضينا
و حلوله كمان شاملة وشافية
هو بصراحة وبلا قافية
مرسي ريسنا وبالعافية
عالم دين
عايزين ريس يخشى الله
ويحافظ على خلق الله
ينصر دينه وينشر هديه
ويرجَّع للخلق هداه
كل الناس تعرف عنوانه
تِشْكِيلُه ويسمع بأناه
ما يردش مظلوم عن بابه
ياخد حقه من اللي أذاه
أشهد إن المرسي يا ناس
أهل رياسة بإذن الله
طول عمره يقدم خدمات
من غير رشوة معاذ الله
ويقول إيه خدمتكو عبادة
وكمان قربى لوجه الله
القبطي
عايزين ريس يرضي الرب
ويشيل كل هموم الشعب
قلبه كبير مليان بالحب
ويفيض عـ السهل و عـ الصعب
مش هنبيع أصواتنا بكام
عايزين برنامج قدام
حريتنا فـ كل شئوننا
فــ معاملاتنا حلال و حرام
صدقني دا المرسي أكيد
هيراعي كل الأحكام
بما إنه راجل و أمين
بيخاف رب الخلق تمام
واحد من الشباب
عايزين ريس له مشروع
يقضي عـ الفقر و عـ الجوع
ويصحح أوضاع إعلام
فاسد من عهد المخلوع
ويصلح أحوالنا جميعاً
و يغير شكل الموضوع
ما يكونشي ابن الماما أميريكا
و لا تابع و يكون متبوع
كل الشعب يكون فـْ حسابه
نمرة واحد في المجموع
مرسي بجَدِّ كبير والنهضة
فـْ برنامجه هتكون مشروع
